Япониянинг Токио шаҳри мезбонлик қилаётган Олимпия ўйинларида ўзбекистонлик спортчилар 28 июль кунги чиқишларини якунлади.
Дзюдо
-70 кг вазн тоифасида ҳаракат қилган Гулноза Матниёзова 1/16 финалда чадлик Демос Мемнулоум устидан чиройли ғалабага эришди. Бироқ 1/8 финалда нидерландиялик Санне Дайкка имкониятни бой бериб қўйди.
Ўзбекистон дзюдо терма жамоасининг етакчиси Давлат Бобонов (-90 кг) ҳам шу куни ўз жангларини ўтказди. Дастлабки босқичда италиялик Николас Мунгайни таслим этган спортчи нимчорак финалда украиналик Нябали Кежаудан устун келди. Чорак финалда Давлат 21 ёшли грузиялик спортчи Лаша Бекаурига имкониятни бой берди (бу ёш иқтидор эгаси якунда чемпион бўлди) ва бронза учун курашга йўл олди.
Ўтиш баҳсида Бобоновга нотаниш бўлмаган рақиб испаниялик Николос Шеразадишвили дуч келди. Унда ўзбекистонлик спортчи зафар қучиб, Жаҳон чемпионати финалидаги мағлубият реваншини олди. Бронза медали учун баҳс туркиялик Миҳаэл Зганкка қарши кечди. 24 ёшли дзюдочи иккинчи дақиқа ўтиб бораётганда иппон баҳоси билан беллашувни чиройли якунлади ва Ўзбекистон делегациясига иккинчи медални тақдим этди.
Олимпия ўйинларида кейинги кунлари яна уч нафар ўзбекистонлик дзюдочи татамига чиқади. Шунингдек, Ўзбекистонлик дзюдочилар жамоавий баҳсларда ҳам иштирок этади.
Бокс
28 июль куни икки нафар ўзбекистонлик боксчи рингга кўтарилди. Аввалига -57 кг вазн тоифасида амалдаги жаҳон чемпиони Миразизбек Мирзахалилов баҳсга киришди. 1/8 финалда ирландиялик Кёрт Уокерга қарши жанг қилди ва катта устунликка эга бўлган бўлса ҳам ҳакамларнинг ғалати қарорлари туфайли иштирокни якунлади.
Ҳакамларнинг қарори борасида келиб чиқиши ирландиялик бўлган бокс таҳлилчиси Тэйлор Ҳиггинс шундай фикр билдирди.
Даҳшатли қарор. Кёрт Уокерга совға қилишди, 1-раундда ютган эди лекин 2 ва 3-раундларда тоза ютқазди. Жаҳон чемпиони Миразизбек Мирзахалилов Токио—2020 Олимпиадасидан чиқиб кетди ва бизни бир нечта фантастик жангдан маҳрум қилишди.-81 кг вазн тоифасида ҳаракат қилган Дилшод Рўзметов эса асли келиб чиқиши кубалик бўлган Озарбайжон вакили Алфонсо Домингесга имкониятни бой бериб қўйди ва Олимпия ўйинларидаги иштирокни якунлади.Мен ирландияликман, мен учун ирландиялик боксчининг ғалабасидан каттароқ нарса йўқ. Бироқ Кёрт бу жангни ютмади, бу аниқ ва тушунарли. У Мирзахалиловга қарши туриш учун фантастик тарзда ҳаракат қилди, бироқ бу ғалаба учун етарли эмас.
Тэйлор Ҳиггинс, бокс таҳлилчиси
Шу тариқа ўзбекистонлик боксчилар орасида Токио—2020 Олимпиадасини тарк этганлар сони тўрт нафарга етди. 8 нафар боксчи эса ўз юришини давом эттирмоқда.
Изоҳ (0)