Қашқадарё вилояти Косон туманида яшовчи Э.Ш. ўз онасининг қотилига айланди, деб хабар бермоқда NasafNews.
Маълум қилинишича, 1975 йилда туғилган эркак Э.Ш. 10 июль куни 1947 йилда туғилган кекса онаси М.Б.ни болта билан уриб, унга оғир тан жароҳати етказган. Оқибатда она олган тан жароҳатларидан вафот этган.
Қашқадарё вилоят ИИБ маълумотларига кўра, эркак 2003 йилдан буён шизофрения касаллиги билан ҳисобда турган. Марҳума М.Б. фарзанди Э.Ш.ни бир неча бор даволатган, жумладан, 2021 йил 6 июнь куни уни вилоят Асаб-руҳий касалликлар диспансерида даволатиб, уйига олиб келган.
Аммо унинг хатти-ҳаракатлари бириктирилган оилавий поликлиника патронаж гуруҳи масъуллари томонидан доимий назорат тартибида ўрганилмаган.
Ҳолат юзасидан Косон туман прокуратураси томонидан Э.Ш.га нисбатан Жиноят кодексининг 97-моддаси 1-қисми тегишли бандлари билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)