«Қора бева» фильми премьераси аввалида Xiaomi Marvel Studios билан реклама кампаниясини ишга тушириб, Xiaomi Mi 11 фильмнинг расмий смартфонига айланганини эълон қилди, деб хабар беради IXBT.
Реклама кампанияси бир вақтнинг ўзида Европанинг етти давлатида амалга оширилмоқда, фильм премьераси эса 9 июль куни бўлиб ўтади. Шунингдек, Xiaomi Mi 11 смартфонининг ўзига хосликларини намойиш этувчи янги трейлер ҳам эълон қилинган.
Xiaomi Mi 11 смартфонига AMOLED экран ўрнатилган бўлиб, у DispleyMate экспертлари томонидан юқори баҳоланган. 2К сифатни ва 120 герцли янгиланиш частотасини қўллаб-қувватловчи экраннинг диагонали 6,81 дюймни ташкил этади. Смартфон бир кристалли Snapdragon 888 базасида яратилган, тезкор хотираси LPDDR 5. Қурилма 55 ваттли симли ва 50 ваттли симсиз қувватланиш, шунингдек, 10 ваттли қайта симсиз қувват узатиш функциясига эга. Аккумулятор сиғими 4600 мА/соат.
Смартфоннинг 108 мегапикселли асосий камерасига оптик барқарорлаштиргич ўрнатилган ва қўшимча 13 ҳамда 5 мегапикселли камералар ҳам мавжуд.
Эслатиб ўтамиз, Скарлетт Йоханссон ижросидаги «Қора бева» фильмининг премьераси 2020 йилнинг ноябрида бўлиб ўтиши керак эди, бироқ коронавирус пандемияси ушбу муддатнинг кечикишига сабаб бўлган.
Изоҳ (0)