Сингапур дунёдаги энг «кучли» паспортлардан бирига эга, бироқ бу халқаро сафарлар чекланган бир шароитда у қадар аҳамиятга эга эмас, деб хабар беради Bloomberg.
Genley Passport Index’нинг янгиланган рейтинги маълумотларига кўра, назарий жиҳатдан Сингапур паспорти дунёнинг 192 давлати, амалий жиҳатдан эса 70 та мамлакат бўйлаб эркин ҳаракатланиш имкониятини беради.
Бу бошқа давлатларга ҳам тегишли. Буюк Британия еттинчи ўринни эгаллаган, бироқ факт бўйича британияликлар ҳозирда 187 та мамлакат ўрнига 57 тасига бора олади — худди Ўзбекистон фуқаролари каби.
АҚШ паспорти эса бу борада Руанда билан тенглашиб қолган, Япония паспорти эса Қозоғистонники билан:
Henley & Partners раҳбари Кристиан Келиннинг ҳисоблашича, халқаро сафарлар камида 2021 йил охирига қадар чекланади.
Янгиланган рейтингда биринчи ўринни Япония эгаллаган — унинг паспорти назарий жиҳатдан дунёнинг 193 мамлакатига эркин кириш имкониятини тақдим этади. Иккинчи ўринда Сингапур (192), учинчи ўрин Германия ва Жанубий Корея (191). Ўзбекистон эса Код-д’Ивуар каби 91-ўринда — 57 мамлакат.
Эслатиб ўтамиз, Ўзбекистон 2020 йилнинг июль ойида эълон қилинган рейтингда 86-ўринни, январь ойидаги рейтингда 85-ўринни, 2021 йилнинг январида 86-ўринни эгаллаганди.
Маълумот учун, Henley рейтинги ҳаракат эркинлиги индекслари асосида тузилади. Бу кўрсаткич ҳар бир давлат фуқароларининг қанча давлатга визасиз ёки виза олиш соддалаштирилган тартибда бориши мумкинлигини ифодалайди.
Изоҳ (0)