Футбол бўйича Евро—2020 чорак финалида Чехия ва Дания терма жамоалари 3 июль, шанба куни бўлиб ўтди.
Учрашувнинг биринчи бўлими тўлиқ данияликлар устунлиги остида ўтди ва бу ҳисобда ҳам акс этди. 5-дақиқада Томас Дилэйни ҳисобни очган бўлса, бўлим сўнгида Каспер Дольберг жамоасининг иккинчи голини урди.
Иккинчи бўлим дебютида Патрик Шик мусобақадаги бешинчи голини урган ҳолда ҳисобни қисқартирди. Ўйин якунланиши арафасида чехлар рақиб дарвозаси олдида босимни оширди, бироқ мувозанатни тиклаш йўлини топа олмади.
Шу тариқа Дания мусобақанинг ярим финалига йўл олди ва у ерда Украина — Англия учрашуви ғолибига қарши ўйнайди.
Евро—2020
1/4 финал баҳси
3 июль, шанба
Чехия — Дания 1:2
Голлар: 0:1 – 5 Дилэйни, 0:2 – 42 Дольберг, 1:2 – 49 Шик.Чехия: Вацлик, Челюстка (Брабец, 65), Боржил, Калас, Соуфал, Шевчик (Дарида, 79), Голеш (Янкто, 46), Соучек, Барак, Масопуст (Крменчик, 46), Шик (Видра, 79).
Дания: Шмейхель, Ларсен (Васс, 71), Кьер, Вестергор, Меле, Дилэйни (Йенсен, 81), Ҳёйбьерг, Дамсгор (Нергор, 60), Кристенсен (Андерсен, 81), Дольберг (Поульсен, 59), Брэйтуэйт.
Огоҳлантиришлар: Крменчик (84), Калас (86).
Изоҳ (0)