Самарқанд вилояти Пайариқ туманида Damas ва автобус иштирокида йўл-транспорт ҳодисаси содир бўлди. Бу ҳақда вилоят ЙҲХБ ахборот хизмати хабар берди.
Ҳодиса соат 1 июль куни соат 12:00 ларда Пайариқ тумани «Эшмонсоқ» МФЙ ҳудудидан ўтувчи 4Р-48 автомобиль йўлининг 26-километрида содир бўлган.
Жиззах–Гагарин–Самарқанд–Пайариқ йўналишида аҳолига хизмат кўрсатувчи автобуснинг йўлига қарама-қарши томондан ҳаракатланиб келаётган Damas русумли транспорт воситасининг чиқиб кетиши натижасида тўқнашув содир бўлган.
Тўқнашув оқибатида Damas ичида бўлган икки нафар фуқаро ҳодиса жойида вафот этган.
Ҳолат юзасидан вилоят ИИБ ҳузуридаги Тергов бошқармаси томонидан Жиноят кодексининг 266-моддаси 3-қисми (одамлар ўлимига сабаб бўлган транспорт бошқариш қоидаларини бузиш) билан жиноят иши қўзғатилган.
Бундан аввал Хоразмда пиёдани уриб юбормасликка ҳаракат қилган Damas ағдарилиб кетгани, Бухородаги мудҳиш ЙТҲда жароҳат олган йўловчининг ҳаёти сақлаб қолингани ҳамда Қамчиқ довонида «бензовоз» ёниб кетиши оқибатида икки киши ҳалок бўлгани ҳақида хабар берилганди.
Изоҳ (0)