Uzbekistan Airways 2 июлдан бошлаб Тошкент—Лаҳор—Тошкент йўналиши бўйича мунтазам қатновларни тиклайди.
Компания матбуот хизматининг хабар беришича, авиақатновлар ҳафтасига бир маротаба — жума куни амалга оширилади.
Авиачипталарни авиакомпаниянинг расмий сайтидан, Uzbekistan Airways Sales филиалидан ёки авиакомпания агентларидан, Лаҳор шаҳрида жойлашган авиакомпания ваколатхонаси орқали харид қилиш мумкин.
Эслатиб ўтамиз, Ҳиндистон билан ҳарбий можаро сабабли Покистон ҳаво ҳудудининг ёпилиши сабабли 2019 йилнинг мартида ушбу йўналишдаги қатнов бекор қилинган эди.