Ишдаги ишқ: Болливуднинг фильм ижодкорларига турмушга чиққан актрисалари

Оила қуришига касбий фаолияти сабаб бўлган ҳинд актрисалари ҳақида маълумот бериб ўтамиз.

Болливуд юлдузи Ранининг шоу-бизнеснинг бошқа вакиллари Амир Хон, Говинда ва Абҳишек Баччан билан муносабатларининг бари омадсиз якун топган. 2002 йилда «Дўст бўлиб қоламизми?» фильмининг суратга олиш жараёнларида режиссёр Адитя билан бир-бирини ёқтириб қолган, аммо у оилали экани сабаб муносабатларни сир тутишга тўғри келган. «Вир ва Зара»нинг суратга олиш жараёнида эса бир-бирига бўлган туйғуларини яшириб бўлмаган. Режиссёр оиласи билан ажрашганидан кейин Рани унга 2014 йилда турмушга чиққан. Ҳозирги кунда уларнинг Адира исмли қизи бор.

Шридеви ва Бони Капур (турмуш қурганидан кейин 21 йил бирга яшаган)

1970 йилларнинг охирида тамил фильмларидан бирида Шридевини кўриб қолган продюсер Бони Капур катта гонорар эвазига «Мисс Ҳиндистон» фильмида суратга тушишга таклиф қилган. Аввалига унга эътибор бермаган актриса кейинроқ Бонининг нияти эканини тушуниб етган. Жуфтлик 1997 йилда турмуш қурган, аммо бу вақтда продюсернинг оиласи ва фарзандлари бўлган. Бони оиласидан воз кечиб, Шридеви билан яшашни бошлаган. Юлдузлар 2018 йил актриса ҳаётдан кўз юмгунига қадар бирга бахтли ҳаёт кечирган.

Сонали Бендре ва Голди Бехл (23 йилдан буён муносабатда бўлган)

Жуфтлик 1994 йилда суратга олиш жараёнларида танишган. Кейинчалик Сонали 1998 йилда «Бир куни Ҳиндистонда» фильмида суратга тушиш учун шартнома имзолайди. Тўрт йил ўтиб турмуш қурган жуфтликнинг Ранвир исмли фарзанди бор.

Пунам Дхиллон ва Ашок Такерия (турмуш қурганидан кейин 9 йил бирга яшаган)

Пунам Ашок билан умумий дўсти Умеш Меҳра орқали танишган. Taкериянинг 1988 йилда турмуш қилиш таклифидан кейин Пунам кино соҳасини тарк этишга қарор қилган. Турмуши давомида икки нафар фарзандли бўлган Пунам ўзини оиласига бағишлаган. Оилавий муаммолар сабаб 1997 йилда Пунам ажрашишга аҳд қилган. Бунга турмуш ўртоғининг ҳаммасига бефарқ эканини сабаб қилиб кўрсатган. Шундан кейин 1997 йилда муносабатларига нуқта қўйган.

Равина Тандон ва Анил Тадани (турмуш қурганига 17 йил бўлган)

Дебют ролидан кейин машҳурликка эришган Равина Ажай Девган ҳамда Акшай Кумар билан ҳам учрашиб юрганига қарамай, ҳақиқий бахтни продюсер Анилдан топган. Акшай билан муносабатларига нуқта қўйгач, машҳурликдан воз кечган ва ўзини икки нафар асраб олган фарзандини тарбиялашга бағишлаган. Ўзини продюсерликда синаб кўрган ва айнан шу фаолияти чоғида орзусидаги эркакни учратган. Бу вақтда Анил кинопрокатлар билан шуғулланаётган бўлган. У бундан аввал оила қурган, аммо оиласи ўхшамаган. Илк бор 2004 йил 4 августда танишган жуфтлик 26 октябрда унаштирилган. Февраль ойида эса ришталарини никоҳ билан мустаҳкамлаган.

Калки Коэчлин ва Анураг Кашял (турмуш қурганидан кейин 4 йил бирга яшаган)

Актриса илк бор режиссёр Анураг Кашяпнинг «Дев.Д» фильмида суратга тушган. Суратга олиш майдончасида танишган жуфтлик кейинчалик учраша бошлаган. Калки Анурагнинг кейинги «Сариқ этикдаги қиз» ҳамда «Шайтон» номли лойиҳаларида ҳам иштирок этган. 2011 йилда турмуш қурган машҳурлар орадан икки йил ўтиб айрилаётганини эълон қилган. Бунга режиссёрнинг актриса Хума Курешига илакишиб қолгани сабаб бўлган, деб тахмин қилинган. Улар муносабатларига расман 2014 йилда нуқта қўйган.