Фарғона вилояти Данғара туманидаги «Саид Аҳмадхон ҳожи» жоме масжиди имом-ноиби Ёрқинжон қори Фозилов вафот этди. Бу ҳақда Ўзбекистон мусулмонлари идораси хабар берди.
Марҳумнинг оила аъзолари маълум қилишича, Ёрқинжон қори Фозилов Қирғизистоннинг Боткен вилоятида автоҳалокатга учраган. Улар кетаётган автомашинанинг ғилдираги чиқиб кетган ва машина ағдарилган.
Бундан аввал Шайх Абдулазиз Мансурнинг ўғли вафот этгани, Исломшунос олим Убайдулла Уватов 80 ёшида вафот этгани ҳамда 2020 йилнинг сентябрида Муфтий Усмонхон Алимовнинг укаси Бадриддинхон Алимов вафот этгани ҳақида хабар берилганди.
Изоҳ (0)