Bugatti узайтирилган Chiron’нинг янги версиясини 3,9 млн доллар қийматида тақдим этди

Bugatti компанияси стандарт Chiron’нинг такомиллаштирилган версияси ҳисобланувчи Super Sport версиясини тақдим этди, деб хабар беради Topgear.

Автомобилнинг қуйруқ қисми 25 сантиметрга узунлашган бўлиб, у машинанинг ҳавога нисбатан қаршилигини максимал даражада камайтиришга хизмат қилади. Шунингдек, диффузор ва газ чиқариш тизими қайта ишланган — чиқинди газлар оқими минимумга етказилган.

«Биз қитъалараро саёҳат учун идеал даражада мос келадиган транспорт ҳисобланувчи буюк гран-туризмо билан шуғулланяпмиз», — дейди Bugatti раҳбари Стефан Винкелман.

Chiron Super Sport салони чарм, алюминий ва углерод пластик билан қопланган, капоти остидан 1600 от кучини тақдим этишга қодир W13 двигатели ўрин олган. Максимал тезлиги — соатига 440 километр.

Жами тўққиз нусхада ишлаб чиқариладиган Bugatti Chiron Super Sport’нинг ҳар бирининг нархи 3 901 216 долларни ташкил этади. «Afisha.uz»нинг ёзишича, бу пулга Ўзбекистонда 121 та Chevrolet Trailblazer сотиб олиш мумкин.

Аввалроқ Bugatti Veyron Super Sport’нинг сўнгги нусхаси аукцион орқали сотилгани тўғрисида хабар берилганди.