Трактор ясаётган 14 ёшли ўзбек боласи, оиласидан айрилган фаластинлик қизалоқ, марҳум аёлга аталган минг дарахт. 10 июнь суратлари
10 июнь куни дунёнинг турли бурчакларидан олинган суратларни намойиш этамиз.
Канаданинг Торонто шаҳрида қисман қуёш тутилиши кузатилди. 10 июнь куни Шимолий Америка, Европа ва Осиёнинг шимолий қисмида яшовчилар қуёш тутилишига гувоҳ бўлди.Фото: PA
Тожикистон давлат раҳбари Эмомали Раҳмон мамлакатга расмий ташриф билан келган Ўзбекистон Президенти Шавкат Мирзиёевни «Қасри Миллат» қароргоҳида расмий кутиб олиш учун тушиб келмоқда.Фото: «Дарё» / Мадина Нурман
Ўзбекистоннинг Самарқанд вилояти ва Тожикистоннинг Хатлон вилоятида барпо этилган ижтимоий объектларнинг расмий очилиш маросимидан сўнг суҳбатлашиб турган давлат раҳбарлари. Эслатиб ўтамиз, 10 июнь куни Ўзбекистон Президенти Шавкат Мирзиёев 2 кунлик расмий ташриф билан Тожикистонга келди.Фото: «Дарё» / Мадина Нурман
Наманган вилоятининг Косонсой туманидаги «Жар» маҳалласида яшовчи 14 ёшли Муҳаммадсодиқ Абдуҳалилов уйида ташкил этилган устахонада мини тракторлар тайёрламоқда. У отаси билан ҳозиргача 9 та тракторни тайёрлаб, 8 тасини сотишга ҳам улгурди. Тракторларнинг нархи от кучига қараб 17 миллиондан 20 миллион сўмгача. 15, 20 ва 25 от кучига эга тракторлар 6 хил функция, жумладан, ер ағдариш, чопиқ ва ҳайдов каби қишлоқ хўжалиги юмушларини бажара олади.Фото: «Дарё» / Рустамхон Темиров
Россия президенти Владимир Путин ва АҚШ президенти Жо Байден ўртасидаги музокаралар 16 июнь куни Женевадаги La Grange вилласида бўлиб ўтади.Фото: EPA
Буюк Британия бош вазири Борис Жонсон Корнуол графлигидаги мактабнинг бошланғич синф ўқувчилари билан учрашди.Фото: PA
Австралиянинг Виктория штатида кучли ёмғир туфайли тошқин содир бўлди.Фото: EPA
Нью-Йоркда Tribeca–2021 кино фестивали премьераси бўлиб ўтди.Фото: EPA
Боготада ҳукуматга қарши намойишлар давом этяпти. Намойишларга президентнинг давлат хизматлари, ёқилғи, иш ҳақи ва пенсияларга солинадиган солиқларни ошириш таклифи сабаб бўлган.Фото: AP Photo
Қироллик денгиз флоти кемаси Корнуолда бўлиб ўтадиган G7 йиғилиши олдидан Сент-Ивз қирғоғида патруллик қилмоқда.Фото: The Guardian
Манила шаҳридаги Санто Томас университетида офлайн дарслар қайта бошлангандан кейин тиббиёт талабалари ўқув манекени устида машғулот ўтказмоқда.Фото: AP Photo
Мексиканинг Пуэбла шаҳридан 20 километр шимолий–ғарбда пайдо бўлган диаметри 110 метрлик улкан чуқурлик.Фото: Getty Images
Психолог Ғазо шаҳридаги руҳий саломатликни қўллаб-қувватлаш кунлари доирасида фаластинлик қиз Сузи Эшкунтана билан ўйнамоқда. Эшкунтана Исроил ҳаво ҳужуми оқибатида вайрон бўлган уйи харобалари остидан олиб чиқилган. Олти ёшли қиз ўша куни онаси ва тўрт ака-сингилларидан айрилган.Фото: Reuters
Изоҳ (0)