Тошкент шаҳридан оқиб ўтувчи Анҳор каналида бир эркак чўкиб кетди. Бу ҳақда «Замон» информацион дастурида хабар қилинди.
Қайд этилишича, эркак Анҳор каналида чўкаётган қизни кўриб қолган ва уни қутқариш мақсадида сувга ўзини ташлаган.
Қизни қутқарган эркакнинг ўзи сувдан чиқолмай, чўкиб кетган. Эркакни қидириш ишлари олиб борилмоқда.
Бундан аввал Самарқанддаги сув омборида чўкиб кетаётган фуқаро қутқариб қолингани, Мўйноқда икки ўсмир каналга чўкиб кетгани ҳамда Қашқадарёда 14 ёшли бола каналда чўкиб кетиб, вафот этгани ҳақида хабар берилганди.
Изоҳ (0)