Ошхона ва музлаткичингиздаги айрим маҳсулотлар айниб қолганидан кейин уларни ташлаб юборишга шошилманг. Улар бошқа вазиятда яхши самара бериши мумкинлигини ёдда тутинг.
Майонез
Яроқлилик муддати тугаган майонездан идишлардаги доғларни кетказишда фойдаланса бўлади. Бундан кейин идишлар янгидек ялтираши аниқ.
Грек йогурти
Грек йогурти таркибида терини ўлик ҳужайралардан тозалаб, соғлом ялтирашни қайтарадиган лактобактериялар бўлади. Терини янада самарали тозалаш учун 2 ош қошиқ йогуртга 1 чой қошиқ табиий асал аралаштиринг. Юзингизга суртиб, 15 дақиқадан кейин ювиб ташланг.
Сут
Энди ачишни бошлаган сутни оширма хамир учун асос сифатида ишлаца ёки гўштни маринадлаш учун фойдаланса бўлади. Тўғралган гўштга сут, туз, мурч ва пиёз қўшиб, икки соатга музлаткичга қўйинг. Маринадланган гўштни нафақат грил, балки товада ҳам пиширса бўлади.
Майдаланган қаҳва
Яроқлилик муддати ўтиб кетган қаҳвадан селюллитга қарши ва тери ҳолатини яхшилайдиган скраб сифатида фойдаланса бўлади. Майдаланган қаҳвани бироз сутга қўшиб аралашма ҳолига келтиринг. Юзингизга ишқалаб суртгандан кейин, 20 дақиқа ўтгач ювиб ташланг.
Жигарранг шакар
Ҳиди ўзгарган шакарни меваларни карамеллашда ёки оёқ-қўллар учун скраб сифатида ишлаца бўлади.
Авокадо
Айниб қолган авокадони пюре ҳолига келтириб, қуруқ сочларни парваришлаш мақсадида ишлаца бўлади. Нам сочларга суртилган ниқобни бир соатдан кейин ювиб ташлаш лозим.
Вино
Таъми ўзгарган винодан сирка тайёрласа бўлади, бунинг учун уни шишали банкага солиб оғзини дока билан ёпинг. Совуқ ва қоронғи жойга қўйинг.
Сариёғ
Ёмон бўлиб қолган сариёғдан эшикнинг ғижирлашини бартараф қилиш ва идишларда елимдан қолган доғни кетказиш учун фойдаланинг. Сочга ёпишиб қолган сақични олиш учун ҳам сариёғ яхши самара беради.
Банан
Қорайиб, ёмон бўлиб қолган банандан тоза чарм пойабзални тозалашда фойдаланса бўлади. Биринчи банан кейин, тоза латта билан артилганидан сўнг пойабзалингиз янгидек ялтирайди.
Изоҳ (0)