BMW компанияси орқани кўришга мўлжалланган анъанавий кўзгулар, шунингдек, кўплаб замонавий электрокарларга ўрнатилаётган видеокамералар ўрнини эгалловчи муқобил технологияни патентлади. Инновацион проекторлар йўллар ҳолатига оид маълумотларни автомобилнинг ён ойналарига проекция қилишга қодир, деб хабар беради Motor.
Янги технология автомобилнинг ва орқа томонидаги йўлларда содир бўлаётган ҳолатларга оид маълумотларни йиғишга қодир видеокамералардан иборат. Бошқарув блоки ёрдамида олинган кадрлар транспорт воситасининг ён ойналарида жойлашган ноёб проекторларга келиб тушади. Компания вакилларининг фикрича, мазкур технология автомобиллар аэродинамикасини яхшилайди, шунингдек, дизайнерларга ижодий ёндашиш борасида қўшимча имкониятлар беради.
Айрим электрокарларда орқани кўришга мўлжалланган кўзгу сифатида фойдаланилаётган мавжуд видеокамералар визуал маълумотларни автомобилнинг ён тўсинларига чиқариб беради. Шу билан бирга, ҳайдовчи диққатни доим янги жойга қаратиши қулай эмас. Проекторлар тизими маълумотлар кўрсатиладиган одатдаги оралиқ масофани сақлаш имконини беради, бу эса ҳайдовчи йўлда камроқ чарчасини таъминлайди.
Проекторлардан фойдаланишнинг яна бир устун жиҳати — янги «кўзгу»лар технологиясида қўшимча реаллик имконияти. Бу турдаги тизим ҳозирда маълумотларни ён ойналарга проексия қилишга кенг фойдаланилмоқда. Бундан ташқари, проекцион дисплейлар тасвир ёрқинлигини бошқариш имконини беради, бу эса қоронғуда ҳаракатланишида қўшимча қулайлик тақдим этади.
Мутахассислар ҳал этиши керак бўлган ягона камчилик — ён ойналар қисмини фиксацияси. Агарда бу амалга ошмаса, ҳайдовчи орқани кўришга мўлжалланган проексион «кўзгуларсиз» қолади.
Аввалроқ BMW 7-Series’нинг икки хил рангли ҳашаматли версияси пайдо бўлгани тўғрисида хабар берилганди.
Мавзуга доир: BMW дизайнига эга катер тақдим этилди (фото)
Изоҳ (0)