Тошкентда ЙПХ инпсекторига бўйсунмай, йўлида давом этган Equinox ҳайдовчисига чора кўрилди. Бу ҳақда ЙҲХББ матбуот хизмати хабар берди.
Маълум қилинишича, 1 июнь куни соат 18:50 ларда Тошкент шаҳар, Чилонзор туманида Equinox ҳайдовчиси ЙПХ инспекторининг жезл ва ҳуштак орқали ишора кўрсатилишига қарамасдан ҳаракатланишда давом этган.
Ижтимоий тармоқларда воқеа акс этган видео тарқалди. Унда ҳайдовчи ходимга қарата «бор, йўқол» деб айтган.
ЙПХ ходими билдирги орқали ЙҲХБ бошлиғига бу ҳақда маълум қилиб, қоидабузар ҳайдовчига нисбатан қонуний чора кўришни сўраган.
Суриштирувда ҳайдовчи 39 ёшли К.С. эканлиги аниқланиб, унга нисбатан Маъмурий жавобгарлик тўғрисидаги кодекснинг 194-моддаси (ички ишлар органлари ходимининг қонуний талабларини бажармаслик) билан маъмурий баённома тузилган ва ҳайдовчи БҲМнинг иккидан бир қисмидан икки бараваригача (490 минг сўмгача) миқдорда жаримага тортилган.
Equinox эса вақтинчалик жарима майдонига жойлаштирилган.
Изоҳ (0)