Самарқанд шаҳрида 26 май куни ўтказилган тунги рейдлар давомида 5 та тунги клуб фаолияти кўздан кечирилиб, жиноят ва ҳуқуқбузарлик содир этишга мойил бўлган 472 киши ички ишлар органлари ва таянч пунктларига олиб келиниб, текширувдан ўтказилди. Бу ҳақда вилоят ИИБ матбуот хизмати хабар берди.
Бундан ташқари, 6 нафар муқаддам судланган шахсларга нисбатан маъмурий назорат ўрнатилиб, жамоат жойида майда безорилик содир этган 2 нафар шахсга нисбатан Жиноят ишлари бўйича Самарқанд шаҳар суди томонидан 3 сутка маъмурий қамоқ жазоси тайинланган. Спиртли ичимликка ружу қўйган 8 киши СВНД шифохонасига жойлаштирилган, 9 нафар енгил табиатли аёлга нисбатан тегишли ҳужжатлар расмийлаштирилган.
Бундан ташқари, 379 та автотранспорт воситалари текширувдан ўтказилган. Шундан маст ҳолдаги 9 нафар, ҳужжатсиз бўлган 20 нафар, ойналари тусини рухсатномасиз қорайтириб автотранспорт бошқарган 14 нафар ҳамда бошқа турдаги ҳуқуқбузарликлар содир қилган 63 нафар ҳайдовчига нисбатан маъмурий баённома расмийлаштирилган.
Тунги кучайтирилган рейд тадбирларини ҳар куни ўтказилиши белгиланган.
Изоҳ (0)