Acer ўзининг экологик тоза ноутбукини ва тасвирни монитор чегараларидан ташқарига чиқадиган, ҳажмли проекцияга айлантирувчи технологиясини намойиш этди.
27 май куни Acer компаниясининг «Келажакка янгича қаранг» деб номланган глобал онлайн-конференцияси бўлиб ўтди. Компания портатив ультрабуклар, профессионал ноутбуклар ва геймерлик (ўйинлар учун) ускуналарининг қаторини кенгайтирди.
Шунингдек, компания экологик келажакни яратиш ташаббуси бўлган Acer Earthion’ни ишга туширганини эълон қилди. Ушбу йўналишдаги биринчи маҳсулот Acer Aspire Vero ноутбуки бўлди.
Моделнинг корпуси ва клавиатураси қайта ишланган пластикдан тайёрланган бўлиб, қутисидаги график элементларни чоп этиш учун соядан тайёрланган сиёҳ ишлатилади. 11-авлод Intel Core процессори, 1 ТБ хотира ва шовқинни ютиш билан Acer Aspire Vero ишлаш ва кўнгилочар ўйинлар учун жуда мос.
Ультра юпқа Acer Swift X профессионал фаолият учун яратилган
Корпуси бутунлай металлдан ишланган Acer Swift X ижодий касб эгалари учун жуда мос келади. Унинг вазни атиги 1,39 килограмм, қалинлиги эса 17,9 миллиметр, автоном ишлаш муддати — 17 соат. Биринчи марта ушбу йўналишдаги ноутбук дискрет графикаларга эга бўлди, бу эса юқори омилкорликни таъминлайди, процессор ва хотирани ҳаддан ортиқ юкламайди ва ресурсларни талаб қиладиган дастурлар билан ишлашда жараёнларни секинлаштирмайди.
Инновациялар, шунингдек, совутиш тизимида ҳам акс этди: ҳаво қабул қиладиган клавиатура иссиқлик қайтарилишини 8—10 фоизга оширади, вентилятор пластинаси эса ҳаво айланишини 5—10 фоизга яхшилайди.
TravelMate Spin P6 — саёҳатларга ишончли ва енгил ҳамроҳ
TravelMate қатори стилус ва сенсорли экранга эга TravelMate Spin P6 трансформатори билан тўлдирилди. Ультра юпқа (16,8 миллиметр) ва енгил (1 килограмм) ноутбук 20 соатгача автоном ишлаш муддатини қўллаб-қувватлайди. Ушбу модель кўп вақтини мажлислар ва таҳлилий ишларда ўтказадиган мижозлар учун асқатади. 360 градусга айланадиган экран қисқа ёзувлар қолдириш, расм чизиш, тақдимотлар намойиши, шартномалар имзолаш ва видео алмашиш учун қулай. Иккала динамики ҳам видеоконференц алоқа вақтида овоз тиниқлигини таъминлайди, 4 та микрофонда иборат тўплам эса 2 метр масофадан овозни илиб олади.
TravelMate P6 бармоқ изи сканерлари ва юзни аниқлаш учун инфрақизил веб-камералар билан жиҳозланган. Acer User Sensing технологияси ноутбук олдида кишининг мавжудлигини аниқлайди ва тизимни эгаси учун блокдан чиқариши ёки бегона фойдаланувчи олдида уни блоклаши мумкин.
ConceptD янгиланиши: 11-авлод IntelCore процессорлари
Профессионал контент яратувчилар линияси 2D ва 3D лойиҳалаш учун мўлжалланган ConceptD 5 ва ConceptD 5 Pro моделлари билан тўлдирилди. Аввалги 16:9 га 16:10 нисбатлардаги янги 16 дюймли дисплей вазифалар панелини яширмасдан ёки олдиндан кўриш ойналарини йиғмасдан трекларни кўриш ва таҳрир қилишга имкон беради.
Сунъий интеллект дастурлар рендеринги, 8Кда таҳрир қилиш ва улар билан ишлашда катта ресурсларни талаб қилувчи шароитларда ёрдам беради. Хавфсизлик нуқтаи назаридан ConceptD ноутбуклари бармоқ изи сканерлари билан жиҳозланган.
Геймерлар учун янгиликлар
Компания янгиланган Predator Orion ва Nitro Gaming шахсий компьютерлари, Predator геймерлик мониторлари ва янги Predator Triton ва Helios моделлар қаторини тақдим этди.
Predator Triton 500 SE — бу компьютер ўйинларини яхши кўрадиган мутахассислар учун иш ноутбуки.
Уни рюкзакда олиб юриш ва танаффусларда ўйнаш осон. Модель 12 соатгача бўлган автоном ишлаш муддатини қўллаб-қувватлайди, юқори тезликдаги сақлагич ўйинлар, видеолар, жадваллар учун етарлича жойни тақдим этади.
Predator Helios 500 — бу кейинги авлод ўйинлари учун захираси катта ва қуввати кучли геймерлик ноутбуки.
Acer’нинг инқилобий технологиялари
Анжуман якунида Acer инқилобий SpatialLabs технологиясини эълон қилди. Бу расмларни экрандан уч ўлчовли майдонга ўтказишдир.
Реал вақт тизимида рендеринг ва стерео камера фойдаланувчиси тасвирни ҳар томондан кўриши учун уни дисплейдан ташқарига проексиялайди. Технология ConceptD ноутбукларида ишлайди.
Acer 2021 глобал анжуманида намойиш этилган янги маҳсулотлар ҳақидаги кўпроқ маълумотни Youtube’дан олишингиз мумкин.
Реклама ҳуқуқи асосида.
Изоҳ (0)