Қозоғистоннинг Костанай вилояти «СариаркаАвтоПром» заводида ишлаб чиқарилаётган Chevrolet Equinox кроссоверларини сотиш бошланди, деб хабар беради Spot.
Қўшни мамлакатда ушбу модель уч хил — оқ, кул ранг ва қора рангларда 13,490 миллион тенге (331 миллион сўм атрофида) нархида сотилмоқда.
Equinox модели Ўзбекистон ҳудудида бир йилдан ошиқ сотилди. Модель 2019 йилнинг охирида тақдим этилган бўлса, 2021 йилнинг февралида UzAuto Motors мазкур кроссоверни ишлаб чиқариш тўхтатилишини маълум қилганди.
Хитойдаги автомобиллар SAIC-GM — Американинг General Motors ҳамда Хитойнинг SAIC Motor қўшма корхонаси томонидан етказиб берилаётган эди. Машина нархи 349 миллион сўмни ташкил этган. Бироқ ҳозирда UzAuto Motors сайтида ушбу модель нархи 414 миллион сифатида кўрсатилган.
Изоҳ (0)