«Барселона» Ла Лига 37-турида «Сельта»га имкониятни бой бериб (1:2), чемпионлик пойгасидан чиқди.
Шу тариқа «кўк-анорранглилар» кетма-кет иккинчи мавсумда Примера ғолиблигини қўлга кирита олмади. Ўтган мавсум жамоа Ла Лигада 2-ўринни қўлга киритганди, бунисида эса учинчи ўриндан юқорига кўтарила олмайди.
«Барселона» 13 йил деганда илк бор кетма-кет икки мавсумда Ла Лига бош совринисиз қолди. 2006/07 йилги мавсумда жамоа иккинчи ўринни қўлга киритган, келаси мавсумда эса учинчи бўлганди.
Каталония клуби Ла Лиганинг бундан аввалги сўнгги 12 мавсумида саккиз марта чемпионликни қўлга киритганди. Шунингдек, клуб бу вақт оралиғида иккинчи ўриндан пастламаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)