«Реал» бош мураббийи Зинедин Зидан ўз вазифасидан истеъфога чиқиши мумкин.
Onda Cero нашри хабарига кўра франциялик мутахассис бундан бир ҳафта олдин, 35-тур доирасида ўтказилган «Севилья»га қарши ўйин (2:2) олдидан футболчиларга келаси мавсумда жамоа билан ишламаслигини айтган.
Қайд этиш жоиз, Зиданнинг Мадрид клуби билан амалдаги шартномаси 2022 йилнинг ёзига қадар мўлжалланган.
Аввалроқ унинг ўрнини эгаллаш учун асосий номзод Рауль бўлиб тургани ҳақида хабарлар тарқалганди.
Мадридликлар Ла Лига якунланишига икки тур қолганида пешқадам «Атлетико»дан икки очкога ортда қолган ҳолда иккинчи ўринда бормоқда. Жамоа 37-тур доирасида 16 май куни «Атлетик» билан баҳс юритади.
Мавзуга доир:
Изоҳ (0)