Футбол бўйича Испания Ла Лигасининг 37-туридан ўрин олган ўйинлар 16 май, якшанба куни бўлиб ўтди.
«Барселона» ўз майдонида «Сельта»га мағлуб бўлди ва чемпионлик пойгасидан чиқди. Меҳмонлар Лионель Мессининг голига Санти Минанинг дубли билан жавоб қайтарган ҳолда ғалабани илиб кетди.
«Реал» сафарда «Атлетик»дан минимал ҳисобда устун келди. Учрашув тақдирини ҳал қилиб берган ягона гол 68-дақиқада Начо томонидан киритилди.
«Атлетико» ўз майдонида «Осасуна» билан баҳс юритди. Мадридликлар учрашувда камбэк намойиш этди, жамоа 82-дақиқагача ҳисобда орқада бораётганди. Аммо ўйиннинг сўнгги қисмида Ренан Лоди ва Луис Суарес гол уриб, жамоасига ғалаба келтирди.
«Вильярреал» «Севилья» дарвозасига жавобсиз 4 та го урди. Голларга Карлос Бакка (ҳет-трик) ва Херар Морено муаллифлик қилди.
Ушбу ғалабадан кейин «Атлетико»нинг очколари 83 тага етди, жамоа Ла Лигада пешқадам бўлиб турибди. «Реал» эса 81 очко билан «Атлетико»ни таъқиб қилишда давом этмоқда. «Барселона»да эса чемпионликни қўлга киритиш учун ҳеч қандай имконият қолмади.
Ла Лига
37-тур баҳслари
16 май, якшанба
«Барселона»—«Сельта» 1:2
Голлар: 1:0 – 28 Месси, 1:1 – 38 Санти Мина, 1:2 – 89 Санти Мина.«Барселона»: тер Стеген, Пике (Дест, 64), Араухо, Лангле, Альба, Мориба (Пьянич, 86), Бускетс, Дембеле (Тринкау, 70), Педри (Пуч, 46), Месси, Гризманн (Брэйтуэйт, 70).
«Сельта»: Вильяр, Араухо, Аарон Мартин, Васкес, Домингес, Мендес, Бельтран (Сотело, 90), Денис Суарес, Нолито (Солари, 69), Санти Мина, Аспас (Баэса, 78).
Огоҳлантиришлар: Домингес (51), Пуч (56), Лангле (73).
Четлатиш: Лангле (83).
«Атлетик Б»—«Реал М» 0:1
Гол: 0:1 – 68 Начо.«Атлетик»: Унаи Симон, Мартинес, Баленсиага, де Маркос, Йерай Альварес, Сансет (Унаи Лопес, 72), Венседор (Ибаи Гомес, 73), Беренгер, Дани Гарсия (Весга, 65), Морсилё (Рауль Гарсия, 65), Уильямс (Вильялибре, 65).
«Реал Мадрид»: Куртуа, Одриосола, Милитао, Начо, Мигел Гутеррес, Вальверде, Модрич, Родриго (Азар, 77), Каземиро, Винисиус Жуниор (Асенсио, 59), Бензема.
Огоҳлантиришлар: Беренгер (14), Рауль Гарсия (79), Мартинес (80), Начо (82).
Четлатиш: Рауль Гарсия (89).
«Атлетико М»—«Осасуна» 2:1
Голлар: 0:1 – 75 Будимир, 1:1 – 82 Лоди, 2:1 – 88 Суарес.«Атлетико»: Облак, Фелипе, Эрмосо (Лоди, 66), Савич, Триппьер, Коке, Льоренте (Эррера, 80), Карраско, Сауль (Жоау Феликс, 66), Корреа (Дембеле, 80), Суарес (Кондогбиа, 90).
«Осасуна»: Эррера, Хуан Крус, Рамальо, Унаи Гарсия, Давид Гарсия, Рубен Гарсия, Брашанас (Чими Авила, 90), Барха (Торро, 77), Монкайола, Хони Родригес (Роберто Торрес, 65), Будимир (Галего, 77).
Огоҳлантиришлар: Будимир (76), Брашанас (84), Суарес (89).
Изоҳ (0)