Андижонда Катта Фарғона магистрал канали 2-Шаҳрихон бўлими бошлиғи ҳайдовчиси орқали бўлимга қарашли муҳофаза ҳудудидаги 4 сотих ер майдонида иншоот қуриш учун техник хулоса бериш эвазига 500 доллар пора олган пайтда қўлга олинди. Бу ҳақда ДХХ ва Бош прокуратура ҳузуридаги департаментнинг ҳудудий бўлинмалари маълумотига таяниб, «Дарё» мухбири Умиджон Мамарасулов хабар берди.
Таъкидланишича, Катта Фарғона магистрал канали 2-Шаҳрихон бўлими бошлиғи Э.Ў. ҳайдовчиси Т.Х. орқали фуқаро З.дан бўлимга қарашли муҳофаза ҳудудидаги 4 сотих ер майдонида енгил конструкцияли иншоот қуриш учун техник хулоса бериш эвазига 500 доллар сўраган. Масъул порани фирибгарлик йўли билан олган вақтида ашёвий далиллар билан ушланган.Мазкур ҳолат юзасидан Жиноят кодексининг 168-моддаси (фирибгарлик) ва 28,211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)