Барселонада коронавирусга қарши эмланмаганлар учун концерт кутилмаганда COVID-19 ўчоғига айланмади

Европада 2021 йил пандемия шароитида кенг омма учун ўтказилган илк рок-концертлардан бири коронавируснинг янги ўчоғига айланмади, деб маълум қилди эпидемиологлар. Томошабинлар вирусга қарши эмланмаган ва ижтимоий масофага риоя қилмаган, лекин концерт олдидан тест топширган ва FFP2 респираторларини тақиб олган. Бу ҳақда «Интерфакс» хабар берди.

Тадқиқот натижалари Барселонадаги Germans Trias i Pujol университети шифохонасининг шифокорлари томонидан тақдим этилди, деб ёзмоқда Euronews. Улар 27 март куни Palau Sant Jordi спорт аренасида 5 минг томошабин иштирокида бўлиб ўтган концертнинг натижаларини таҳлил қилди.

Томошабинлар коронавирусга қарши эмланмаган эди. Концертдан олдин улар вирусга экспресс-тест топширган ва фақат натижаси манфий чиққанлар учун концертга киришга рухсат берилган. Томошабинлардан ижтимоий масофани сақлаш талаб этилмаган. Тадбир ташкилотчилари концерт залини мукаммал шамоллатиш тизими, шунингдек, ҳожатхона ва барларни махсус дезинфекция қилиш чоралари билан таъминлаган.

- Looks like it was at Palau Sant Jordi, a large indoor arena on Montjuic
- Attendees were wearing FFP2 masks which are similar to the N95 standard
- The rapid tests look like the Abbott Panbio, but hard to tell from the picture.

More details here:https://t.co/aaXXw7NO5I

— Kashif Pirzada, MD (@KashPrime) April 27, 2021

Икки ҳафта ўтгач томошабинларнинг олти нафарида коронавирус аниқланган, лекин тадқиқотчилар бунга концерт сабабчи бўлмаганига ишонмоқда. Яна икки кишида COVID-19 тасдиқланмаган.

Тадқиқот муаллифларининг фикрига кўра, ёпиқ биноларда тегишли ҳимоя чоралари ва тўғри шамоллатиш тизими ёрдамида жонли рок-концертини ташкил этиш хавфсиз экани тасдиқланди. Улар концерт залида инфекция юқиши аломатларини аниқламади.

Маълумот учун, Испаниянинг Памплона шаҳри раҳбари Энрике Майя коронавирус пандемияси сабабли кетма-кет иккинчи йил Сан-Фермин фестивалини бекор қилди. Унинг таъкидлашича, бу қарор коронавирус тарқалишининг юқори хавфи ва минтақадаги вакцинациянинг паст даражаси билан боғлиқ.

Сан-Фермин Памплонада ҳар йили 6—14 июнь кунлари ўтказиладиган фестиваль бўлиб, маросим 6 июнда, авлиё Фермин кунининг ярмида бошланади. Байрам, биринчи навбатда, энсьерро (12 бош қутурган буқадан қочиш) туфайли машҳур ҳисобланади.

Аввалроқ Испаниянинг Мальорка оролидаги Манакор шаҳри полицияси 22 кишига коронавирус юқтиришда гумонланган 40 ёшли фуқарони қўлга олганини маълум қилди. У 8 кишига бевосита, 14 кишига билвосита коронавирус юқтирган, касалланганлар орасида уч нафар чақалоқ ҳам борлиги айтилмоқда.

Шунингдек, Bloomberg агентлиги коронавирус пандемиясига қарши энг самарали кураш олиб бораётган мамлакатлар рейтингида Сингапур етакчилик қилаётганини айтди. 2021 йилнинг апрель ойида Сингапур мамлакатда вакцинация суръатининг тезлиги сабабли рейтингда Янги Зеландияни ортда қолдириб, биринчи ўринни эгаллади.