Ўзбекистонда мактабгача таълим ташкилотларида 2021 йил 25 апрель ҳолатига кўра коронавирус инфекцияси қайд этилган ходимлар сони 36 нафарга етди. Бу ҳақда Мактабгача таълим вазирлиги ахборот хизмати раҳбари Мавлуда Асқархўжаева АОКАда ўтказилган брифингда маълум қилди.
Қайд этилишича, мактабгача таълим ёшидаги болалар орасида 42 та тарбияланувчида касалланиш аломатлари аниқланган, 11 та мактабгача таълим ташкилоти 14 кунлик онлайн режимда ўз фаолиятини давом эттирмоқда.
Тошкент шаҳрида 25 та тарбияланувчи ва 28 та ходим даволанмоқда. Тошкент шаҳридаги мактабгача таълим ташкилотларидан 8 таси 14 кунлик онлайн режимга ўтди. Тошкент вилоятида 9 нафар тарбияланувчи, 9 нафар ходим даволанмоқда. 4 та мактабгача таълим ташкилоти 14 кунлик онлайн режимда ишламоқда.
Самарқанд шаҳрида 4 нафар тарбияланувчи ва 2 нафар тарбиячида коронавирус аниқланган. Ташкилотларда коронавирус инфекцияси аниқлангани сабабли 27 апрелдан бошлаб Самарқанд шаҳридаги барча мактабгача таълим ташкилотларида 14 кунлик карантин жорий этилди.
Мавзуга доир: «Пишган овқатга солинган хом гўшт, сариёғ ўрнига ‘Спред’ » — Самарқанддаги боғчаларда қатор қонунбузарликлар аниқланди
Навоий вилоятида 2 нафар МТМ ходимида касаллик аниқланган, боғча 14 кунлик масофавий таълим ва тарбия бериш режимига ўтказилди. Хоразм вилояти Ҳазорасп тумани Мактабгача таълим бўлими ходимларидан бирида ҳам касаллик аниқланган.
Бундан аввал Самарқанддаги 4 та МТТ тарбияланувчилари ва тарбиячиларида коронавирус касаллиги аниқлангани, Намангандаги боғча тарбияланувчиси иссиқ сувдан куйиб вафот этиши ортидан МТТ директори ва бир неча ходим ишдан бўшатилгани ҳамда Ўзбекистонда 6,5 миллиондан ортиқ болалар оммавий дегелминтизация тадбирларига жалб қилиниши ҳақида хабар берилганди.
Изоҳ (0)