АҚШнинг Мериленд штатидаги Аппер-Малборо шаҳрида истиқомат қилувчи аёл акаси совға қилган лотерея чиптасидан ярим миллион доллар ютиб олди, деб хабар беради Esquire.
Элизабет Кокер-Ннам тасодифан бойиб кетди — бунга акаси унинг туғилган кунини унутиб қўйгани сабаб бўлган. Орадан бир неча кун ўтгач, у синглисини табриклашга қарор қилган ва Арлингтон шаҳридан сотиб олган Virginia Lottery лотерея чиптасини совға қилган.
Элизабет совға олганини бир неча ҳафтага унутиб қўйган. Натижада акаси у билан телефон орқали гаплашган вақтида чиптани эслатган. Қиз ҳимоя қатламини ўчириб, мукофотга туш келганида ҳайратга тушган.
«Мен бақириб юбордим! У ҳам бақирди! Иккаламиз ҳам бақирардик!», — дея эслайди Кокер-Ннам.
Элизабетнинг акаси синглиси мукофотни олиш учун борганида унга ҳамроҳлик қилган. «Агар вазият бунақа тус олишини билганимда, уни ўзимда сақлаб қўяр эдим», — дея тан олади ака.
Кокер-Ннамнинг таъкидлашича, қўлга киритилган мукофот сабаб у энди акасига бирор арзирли совғани бера олади.
Аввалроқ янги машинасида йўл транспорт ҳодисасига учраган эркак шу куни лотереядан 2 миллион доллар ютиб олгани, шунингдек, америкалик эркак телефон қўнғироғи сабаб лотереядан 2 миллион доллар ютиб олгани тўғрисида хабар берилганди.
Изоҳ (0)