Ифторликка қўзиқорин ва брокколи қўшиб, мазали паста тайёрланг

Барра сабзавотлар ва қўзиқорин макаронга ажойиб таъм бериши шубҳасиз.

Керакли маҳсулотлар:

• саримсоқ пиёз — 2 дона;
• қўзиқорин (шампиньон) — 8—10 дона;
• брокколи — 100 г;
• макарон — 200 г;
• туз, мурч;
• кокос сути — 240 мл;
• ўсимлик ёғи — 2 ош қошиқ;
• яшил нўхат — 100 г.

• Саримсоқни майдаланг, қўзиқоринни бўлакларга бўлинг, брокколини қўлингиз билан бўлакларга ажратинг.
• Макаронни туз солинган сувда пишириб олинг.
• Ўсимлик ёғи солинган товада саримсоқ пиёзни қовуриб олинг.
• Қўзиқоринни солинг ва яна тахминан 4 дақиқа қовуринг.
• Кокос сути, брокколи ва нўхатларни солиб, яхшилаб аралаштиринг, қайнаб чиққанидан кейин 7—8 дақиқа димланг.
• Макаронга аралашмани қўшинг, туз ва мурч сепинг.