Германиядаги Autoscout24 онлайн майдончаси орқали 1983 йилда ишлаб чиқарилган «ГАЗ-24» сотувга қўйилди. Идеал ҳолатда сақланган совет автомобили 8,5 минг еврога баҳоланмоқда, деб хабар беради Motor.
Совет «Волга»си Германиянинг Шкопау комуннасида жойлашган. Эълон қилинган суратларга кўра, «ГАЗ-24» ажойиб ҳолатда сақланган. Автомобильнинг кўк кузови ва хромланган бамперларида занглаш аломатлари мавжуд эмас. Сотувчининг айтишича, седан техник жиҳатдан ҳам идеал ҳолатда. «Волга»га 95 от кучини тақдим этишга қодир 2,5 литрли бензин двигатель ўрнатилган бўлиб, у механик трансмиссия ёрдамида бошқарилади.
Шунингдек, автомобиль интерьери ҳам яхши ҳолатда. Салон қизил мато ва чарм билан қопланган. «Волга» жамланмасидан собиқ совет даврига оид радиомагнитола, юкхона бўлмасида захира ғилдираги ва машинадан фойдаланиш бўйича оригинал қўлланма ўрин олган. Мазкур лотнинг ягона камчилиги 38 йиллик «ГАЗ-24» замонавий Европанинг чиқинди газларни ҳавога чиқариш нормаларига жавоб бермаслигида.
Ҳозирга қадар 123 456 километр йўл босган «Волга» учун сотувчи 8,5 минг евро сўрамоқда.
Аввалроқ Москвада 42 йиллик «Волга» янги Lada Granta нархида сотилгани, Россияда 57 йиллик «Волга» янги BMW нархида сотувга қўйилгани тўғрисида хабар берилганди.
Изоҳ (0)