Сирдарёда ЙПХ постида Қашқадарё вилояти Косон туманида яшовчи Ж.С. бошқарувидаги Nexia русумли автотранспорт воситаси текширилганда ҳеч қандай ҳужжатларсиз олиб кетилаётган 329 килограмм қорамол гўшти борлиги аниқланди, деб хабар беради вилоят ИИБ ахборот хизмати.
Ушбу гўшт маҳсулотлари вилоят «Ҳайвонлар касалликлари ташхиси ва озиқ-овқат маҳсулотлари хавфсизлиги давлат маркази»га олиб келиниб, лаборатория текширувларидан ўтказилганда истеъмолга яроқсиз эканлиги маълум бўлган.
Гўшт маҳсулотлари вилоят Ветеринария ва чорвачиликни ривожлантириш бошқармасининг тегишли хулосасига асосан Гулистон тумани «Зарбдор» маҳалласи ҳудудида ёқиш йўли билан йўқ қилинган.
Фуқаро Ж.С. бошқарувидаги Nexia русумли автотранспорт воситаси тегишли тартибда қонуний чора кўриш учун Бош прокуратура ҳузуридаги Иқтисодий жиноятларга қарши курашиш департаментининг Сирдарё вилояти бошқармаси масъул ходимларига тегишли тартибда топширилган.
Аввалроқ Қашқадарёда уйида эшак сўйиб сотаётган шахслар ушлангани, Қашқадарёда истеъмолга яроқсиз 800 килограмм гўштни машина салони ва юкхонасида олиб кетаётган шахслар аниқлангани тўғрисида хабар берилганди.
Изоҳ (0)