«Бавария» ҳимоячиси Давид Алаба Европа Чемпионлар Лигаси чорак финал жавоб баҳси доирасида ПСЖга қарши кечган ўйинда (1:0) асосий таркибда майдонга тушди.
Бу австриялик футболчи учун «Бавария» сафида барча мусобақалар доирасидаги 425-ўйин бўлди. Алаба бу борада Германиядан бўлмаган футболчилар орасида Франк Риберининг рекордини такрорлади. Франциялик футболчи ҳам Мюнхен клуби сафида 425 та ўйин ўтказганди.
Алаба «Бавария»да 2009 йилдан бери тўп суриб келади.
2021 йилнинг ёзида унинг немис клуби билан амалдаги шартномаси тугайди. Футболчи катта эҳтимол билан келаси мавсумдан фаолиятини бошқа клубда давом эттиради. Аввалроқ Алаба «Реал» билан оғзаки келишувга эришгани хабар қилинганди.
28 ёшли футболчи жорий мавсум Бундеслигада 26 ўйин ўтказиб, иккита гол ва битта голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)