Ўзбекистон халқ шоири Абдулла Орипов таваллудининг 80 йиллиги муносабати билан у яшаб ижод қилган хонадонда ёдгорлик лавҳи ўрнатилди. Бу ҳақда «Ўзбекистон 24» телеканалида маълум қилинди.
Тантанали очилиш маросимида шоирнинг Тошкент вилояти Қибрай туманидаги «Янги арғин» маҳалласида жойлашган хонадонида бўлиб ўтди, унда Ёзувчилар уюшмаси жамоаси, ёзувчилар, шоирлар, адабиётшунослар, журналистлар иштирок этган.
Унда Ўзбекистон халқ шоири ва уюшма раиси Сирожиддин Саййид, Ўзбекистонда халқ шоири Усмон Азим сўзга чиқиб, адибнинг ижоди билан боғлиқ илиқ хотираларни ёдга олди.
Эслатиб ўтамиз, Президент Шавкат Мирзиёев 2020 йилнинг декабрида Ўзбекистон халқ шоири Абдулла Орипов таваллудининг 80 йиллигини тантанали нишонлаш тўғрисидаги қарорни имзолаганди.
Ишлаб чиқилган дастурга кўра, 2021 йилнинг март ойида «Ўзбекистон» халқаро форумлар саройи Абдулла Ориповнинг хотирасига бадиий-адабий кеча ўтказиш режалаштирилган. Уларнинг «Танланган асарлар»и, қорақалпоқ, рус, инглиз ва бошқа тилларга таржима қилинган ҳолда чоп этилиши, шунингдек, Абдулла Орипов замондошлари хотирасида китобини нашрга тайёрлаб, чоп этилиши белгиланган эди.
Изоҳ (0)