Олий Мажлис Қонунчилик палатасининг 25 март куни ўтказилган мажлисида Ўзбекистон сиёсий партиялари раҳбарлари 2020 йил охирида молиялаштириш манбалари тўғрисида ҳисобот берди.
Маълум бўлишича, 2020 йил давомида энг кўп маблағ — 35,3 миллиард сўм O‘zLiDeP партияси ҳисоб рақамига келиб тушган. Партия раиси Акмал Ҳаитовнинг қайд этишича, 2020 йил 1 январь ҳолати бўйича партиянинг ҳисоб рақамларидаги қолдиқ маблағлар 1,9 миллиард сўмни ташкил қилган.
Ундан кейинги ўринда Ўзбекистон Халқ демократик партияси. Ушбу партияга 23,8 миллиард сўм келиб тушган. Шундан 48 фоизи партиянинг ўз маблағлари эканлиги қайд этилган.
«Миллий тикланиш» демократик партияси раиси Алишер Қодиров 2020 йилда партия ҳисоб рақамига 22, 2 миллиард сўм маблағ келиб тушганини маълум қилган. Шундан 20,1 миллиард сўм давлат бюджети маблағлари, қолган қисми эса аъзолик бадаллари, ҳомийлик ва хайрия ёрдамлари ҳамда тадбиркорлик фаолиятидан олинадиган маблағлардир. 2020 йил давомида партиянинг умумий сарф-харажати 21,6 миллиард сўмни ташкил этган.
«Адолат» социал-демократик партияси 2020 йилда 14,2 миллиард сўм маблағ қабул қилган. Партия йил охиригача 13,8 миллиард сўм сарфлаган.
Экологик партия 2020 йилда 8,3 миллиард сўм маблағ сарфлаган.
Изоҳ (0)