Ўзбекистон мактабларида 29 март, душанба кунидан 4-чорак бошланади, дея хабар бермоқда Халқ таълими вазирлиги.
Қайд этилишича, ҳозирда вазирликка фуқаролардан баҳорги таътил узайтирилдими, деган жуда кўплаб саволлар келиб тушмоқда. Мазкур саволга жавобан Халқ таълими вазирлиги баҳорги таътил 28 мартгача давом этиши, 4-чоракнинг илк куни 29 март эканлигини маълум қилди.
Шунингдек, мамлакатдаги эпидемиологик вазиятдан келиб чиққан ҳолда гибрид шаклдаги таълимга рухсат этилганлиги, қайсидир мактаб ёки ҳудуддаги эпидемиологик вазиятга қараб мактаб карантинга ёпиладиган бўлса, ушбу мактаб ўқувчилари вазият барқарорлашгунига қадар вақтинча таълимни онлайн шаклда давом эттириши мумкинлиги эслатиб ўтилган.
Эслатиб ўтамиз, Ўзбекистон мактабларида баҳорги таътил 20 мартдан бошланганди.
Бундан аввал Тошкентнинг Мирзо Улуғбек, Чилонзор ва Юнусобод туманидаги барча мактаблар онлайн таълимга ўтгани, Самарқандда вилоятдаги энг катта янги мактаб очилгани ҳамда Фарғонада аҳоли ва тадбиркорлар ҳомийлигида қурилган янги мактаб фойдаланишга топширилгани ҳақида хабар берилганди.
Изоҳ (0)