Marvel киноолами юлдузи кичик Роберт Дауни Стивен Колбертнинг The Late Show with Stephen Colbert шоусида суратга олиш майдончасида содир бўлган энг ёрқин воқеалардан бири билан бўлишди, деб ёзади «Film.ru».
Актёрнинг сўзларига кўра, авваллари саргузашт ва фаолликни яхши кўрганига қарамай, ҳозирда анча эҳтиёткор бўлиб қолган. Бунга парашютдан сакраш вақтида ўлишига бир бахя қолгани сабаб бўлган. Робертнинг эслашича, у парашютдан сакраган ва 3,5 километр масофани эркин қулаш орқали босиб ўтган. Аммо бу вақтда актёрнинг парашюти ўралиб қолган. Шундан буён у бошқа ҳеч қачон скайдайвинг билан шуғулланмасликка ваъда берган.
Шунингдек, актёр Marvel’нинг келажакдаги фильмларида яна пайдо бўлиши мумкинлиги тўғрисидаги миш-мишларга ойдинлик киритган. У ўзининг ушбу лойиҳалардаги иштироки бутунлай якунланганини таъкидлаган. Эслатиб ўтамиз, у сўнгги бор «Қасоскорлар: Финал» картинасида бош роллардан бирини ижро этган ва унинг қаҳрамони фильм якунида вафот этган.
Изоҳ (0)