Сўнгги йилларда мода фақат нозик қизлар учун, деган тушунча ўзгарди. Аввалгидан фарқли ўлароқ, тўладан келган қизлар бугунги кунда реклама компаниялари, подиумларда иштирок этиши мумкин. Интернет дўконларидан эса плус-сизе либосларни топиш муаммо бўлмай қолди. Қоматнинг қандай экани ўзига хос ва дидли кийиниш учун тўсиқ бўла олмаслигини исботлашга муваффақ бўлган қизлар ҳақида маълумот бериб ўтамиз.
«Фешн» журналистика факультетининг битирувчиси бўлган Габи Fresh 2008 йилдаёқ энг биринчилардан бўлиб мазкур йўналишда блог юритишни бошлаган. У вақтда мода, хусусан, тўла аёл ва қизлар учун мўлжалланган блоглар деярли бўлмагани сабаб ҳам Габи айнан шу йўналишни танлаган.
Лондонлик Каллиэ Трорпе блогини 2012 йилда овқатланиш кундалиги сифатида бошлаган. Кузатувчиларининг кийиниш услубига бўлган қизиқиши юқори эканини пайқагач йўналишини модага ўзгартирган.
Бошқа шу йўналишдаги блоглардан фарқли ўлароқ, Танеша Авастҳи шунчаки долзарб тенденцияларни намойиш қилмайди, балки қоматидаги камчиликларни яшириш ва ўзига хосликка урғу беришга ўргатади.
Классика ва аёлларга хос жозибали кийинишни замонавий тенденциялардан устун қўядиган нозик жинс вакиллари учун Allison Тенгнинг образлари айни муддао.
Николетте Масоннинг блогидан эса замонавий трендларни гардеробдаги бор кийим-кечаклар билан қандай умумлаштириш мумкинлиги ҳақида маълумотга эга бўлиш мумкин.
Калифорниялик Частитй Гарнер эса кузатувчиларни ёрқин ранг ва принтлардан чўчимасликка ундайди.
Келлиэ Бровннинг блогида кийиниш, услуб ва харид борасидаги турли тавсияларни учратиш мумкин.
Канадада яшайдиган Ассанинг блогида эса исталган вазият ва ҳавога мос кийиниш борасида илҳомланса бўлади.
Даниэлле Ваниэр кийиниш борасида эксперимент қилишдан қўрқмайдиганлардан. Унинг расмлари орасида нафақат классик, балки тамоман боша услубдаги либосларни ҳам учратиш мумкин.
Изоҳ (0)