Тошкент шаҳри Юнусобод туманида жойлашган кафега кириб, у ердан ичида пул бўлган сейфни ўғирлаб кетмоқчи бўлган шахс ушланди, дея хабар бермоқда шаҳар ИИББ матбуот хизмати.
Юнусобод тумани ИИО ФМБдан келиб тушган хабарга кўра, 1 март куни, тахминан, соат 4:30 да 27 ёшли Ш.К. кафелардан бирининг эшиги очиқ қолганидан фойдаланиб, у ерга кирган.
У ичида 21 ёшли кафе бошқарувчиси Ҳ.А.га тегишли бўлган 15 миллион сўм бўлган сейфни ўғирлаб кетган. Ш.К. воқеа жойидан яширинмоқчи бўлганида қўлга олинган.
Мазкур факт асосида Жиноят кодексининг 169-моддаси 2-қисми (ўғрилик) бўйича жиноий иш қўзғатилди.
Бундан аввал Наманганда дўконнинг собиқ ишчиси у ердан жами қиймати қарийб 12 минг долларга тенг бўлган телефонларни ўғирлаб кетгани, Самарқандда «романтик оқшом» учун чақирилган қизлар ўсмирнинг уйини тўнаб кетгани ҳамда Андижонда 21 ёшли аёлнинг сочини зўрлик ишлатиш йўли билан қирқиб ташлаб, телефонини ўмариб кетган йигит ҳибсга олингани ҳақида хабар берилганди.
Изоҳ (0)