Ёшлар ишлари агентлигининг Қашқадарё вилояти бошқармаси бошлиғи Шоҳжаҳон Омоновнинг ишдан кетгани расман эълон қилинди. Мазкур бошқармага Темурбек Поёнов раҳбар этиб тайинланди. Бу ҳақда агентликнинг расмий Telegram каналида хабар берилган.
«Шу кунгача Ёшлар ишлари агентлигининг Қашқадарё вилояти бошқармаси бошлиғи лавозимида фаолият юритган Шоҳжаҳон Омонов бошқа ишга ўтиши муносабати билан эгаллаб турган лавозимидан озод этилди ва Темурбек Поёнов 2021 йил 10 мартдан агентликнинг Қашқадарё вилояти бошқармаси бошлиғи вазифасини бажарувчи этиб тайинланди», — дейилади агентлик расмий хабарида.
Таъкидланишича, айни кунга қадар бошқарма бошлиғи ўринбосари лавозимида ишлаб келган масъул бошқарма бошлиғи лавозимига тайинланган.
Эслатиб ўтамиз, аввалроқ Ёшлар ишлари агентлиги директори Алишер Саъдуллаев журналист ва блогерлар билан мулоқотда Шоҳжаҳон Омоновни ишдан олиш учун етарли факторларга эга эканлигини айтгани, бир оз вақтдан сўнг эса уни ишдан олгани ва Темурбек Поёновга ишонч билдиргани хабар берилганди.
Шоҳжаҳон Омоновнинг ишдан бўшатилганини рад этган Қашқадарё вилоят ҳокимлиги ахборот хизмати эса Омонов ҳамон лавозимда эканини хабар берди. Мазкур хабарга муносабат билдирган «Дарё» манбалари эса бошқарма бошлиғи Алишер Саъдуллаев билан бўлган йиғилишда ишдан олинганини такрорлаб, «бир-икки кунда у бошқа ишга ўтаётганлиги сабабли лавозимдан олинишини» тахмин қилганди.
Мавзуга доир:
- Ёшлар ишлари агентлигининг Қашқадарёдаги мансабдори огоҳлантирилди, ходимлар бўйича масъули интизомий жазо олди
- «Қашқадарёда аҳвол бу даражага етганидан хабарим йўқ экан». Алишер Саъдуллаев «Дарё»даги мақолага муносабат билдирди
- Қашқадарё ёшлар ишлари бошқармаси республика ташкилоти суҳбатидан ўтган раҳбарликка номзодларни «тажрибасиз, режасиз,ёшларнинг муаммоларидан бехабар» деб атади
- Қашқадарёдаги айрим туманларда Ёшлар ишлари бўлимларига агентлик тавсия қилган номзодлар эмас, бошқалар тайинланди. Чунки агентликнинг хати «юридик кучга эга эмас»
Изоҳ (0)