Ўзбекистон COVAX дастури доирасида коронавирусга қарши AstraZeneca вакциналарининг биринчи партиясини 15—20 март кунлари олади. Бу ҳақда 10 март куни бўлиб ўтган брифингда Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев маълум қилди.
«15—20 март кунлари COVAX орқали AstraZeneca компанияси ишлаб чиқарган коронавирусга қарши вакцинанинг 660 минг дозадан иборат биринчи партияси харид қилиниб, Ўзбекистонга олиб келиниши кутилмоқда. Бугунги кунда COVAX томонидан Ўзбекистонга 660 мингта шприс ва (уларни утилизация қилиш учун) хавфсиз қутилар етказилди ва жойларга тарқатилмоқда», — деган у.
Мавзуга доир: Ўзбекистонга COVAX дастури доирасида юборилган 4,5 тонна қадоқланган шприслар қабул қилинди
Бундан ташқари, Ўзбекистонга Хитой билан биргаликда ишлаб чиқилган ZF-UZ-VAC 2001 вакцина ҳам 1 миллион доза миқдорида март ойида олиб келинишини билдирган ва мамлакат аҳолиси юқоридаги учта вакцина билан эмланиши кутилаётганини таъкидлаб ўтган.
Санитария-эпидемиологик осойишталик ва жамоат саломатлиги хизмати бошлиғи вакцина сотиб олиш бўйича фақатгина юқоридаги 3 та компания билан эмас, 12 та компания билан музокаралар олиб борилаётганини билдирган.
Изоҳ (0)