Телефондаги илова ва дастурлар нафақат киши корига яраши, масофаларни қисқартириши балки, асабни тинчлантириши, соғлом турмуш кечиришга ҳам ҳисса қўшиши мумкин.
Buddo— медитация учун дастур
Йога сингари машҳурликка эришган медитация билан шунчаки қизиқиш сабаб шуғулланишни бошлаган кишилар фойдалилигини сезганидан кейин ушбу машғулотни кундалик одатга айлантирган. Ушбу амалиётни синаб кўрмоқчи бўлганлар учун, асосан, инглиз тилидаги дастурлар бисёр. Сал аввалроқ эса рус тилидаги Buddо дастури ҳам тақдим қилинди. Мазкур дастур эмоция ва стрессни назорат қилиш, ҳар лаҳзадан баҳра олиш ҳамда ҳар куни бахтни ҳис қилишни, шунингдек, диққатни жамлашни ўргатади.
Zerо — интервал очлик учун дастур
2016 йилда япониялик Йошинори Оҳсуми ҳужайраларни ўз-ўзини тозалаш механизмини ўйлаб топгани сабаб Нобель мукофотига лойиқ деб топилган. Маълум бўлиша, овқат танаффус билан тановул қилинганда организмнинг ўзи ишлатилган микробиологик структуралардан қутулиш имкони мавжуд. Овқат истеъмол қилмаслик оралиғидаги вақт турлича бўлиши мумкин, аммо улар орасида интервал очлик, яъни 8 соат тановул қилиш, 16 соат ҳеч нарса емаслик энг самарали ҳисобланади. Бунча узоқ вақт давомида овқатланмасликни имконсиз деб ўйлайдиганлар 16 соат ичига уйқу киришини ҳам ҳисобга олиши керак. Назорат қилиш учун ишлаб чиқилган Zerо дастурининг асосий функцияси — ейиш мумкин бўлган ёки бўлмаган вақтни эслатиб туришдан иборат. Сўнгги марта овқат ейилган вақтни белгилашнинг ўзи билан ҳам чекланса бўлади. Аммо дастурда айни вақтда қанча одам оч эканини кўрсатадиган режим борлиги сизга бу борада куч бериши аниқ.
Waterbalance — сув ичиш кераклигини эсга солиб турадиган дастур
Инсон кун давомида қанча миқдорда сув ичиши кераклиги ҳақидаги баҳслар ҳалигача давом этиб келади. Миқдор борасида бир тўхтамга келинмагани билан бир нарса аниқ: инсон организми учун қаҳва, шарбат ёки бошқа суюқлик эмас, айнан сув жуда ҳам муҳим. Офисда ишга шўнғиб кетганда сув ичиш ҳақида унутиб қўймаслик учун ёнингизга сув тўлдирилган шиша идиш ва телефонингизга эслатма қўйиб қўйинг. Жинсингиз, бўй ва вазнингиз, шунингдек, ёшингизни ҳисобга олиб, қанча сув ичиш кераклигини эслатиб турадиган Waterбаланcе дастури бу борада сизга ёрдам бера олади. Кунига икки литр сув ичмаган тақдирингизда ҳам терингиз намланади ва иштаҳангиз камаяди.
Fatsecret — калорияни ҳисоблайдиган дастур
Дўконда сиз дуч келган йогурт ўрамини телефон билан сканер қилаётган одам Fatsecret дастуридан фойдаланаётган бўлса, не ажаб. Дастур нафақат дўкон, кафе ва ресторанлардаги маҳсулот ҳамда егуликлар калориясини кўрсатади, балки ёш, вазн, ёш ҳамда жинсдан келиб чиққан ҳолда сиз учун меъёр қанчалигини ҳисоблаб беради. Унда овқатланиш кундалигини тутиш, рецептлар билан бўлишиш ва прогресс қандай бўлаётганини кузатиш мумкин.
Diaro — шахсий кундалик ўрнини босадиган дастур
Diaro’дан кундалик, саёҳат журнали ва муҳим воқеаларни, шунчаки қайд қилиш учун фойдаланса бўлади. Барча қайдлар категория, геотег ва ёзилган саналарга бўлинган бўлиб, бу керакли маълумотларни тезда топиш ҳамда у билан боғлиқ ҳодисаларни ёдга олишга ёрдам беради. Суратларни жойлаш имконияти мавжудлиги хотираларни янада ранг-баранг бўлишига сабабчи бўлади.
Noisly — тинчланишга ёрдам берадиган товушлар коллекцияси
Ранглар ва товушлар умумлашмаси саналган мазкур дастур, кишини ишга диққат қилиши ёки аксинча, оғир ишдан кейин тинчланишга ёрдам беради. Аксарият ҳолларда ушбу дастурдан асабни бузадиган шовқинлардан қутулиш, уйқусизликка қарши курашиш учун фойдаланилади. Ёмғир, тош, сув, барглар шитирлаши ва шунга ўхшаш товушларни ўзини эшитиш ёки хоҳишга қараб умумлаштириш мумкин.
Изоҳ (0)