Uzbekistan Airways Тошкент–Тбилиси–Тошкент йўналишидаги авиақатновларни 30 мартдан қайта тиклайди

Uzbekistan Airways авиакомпанияси Тошкент–Тбилиси–Тошкент йўналиши бўйича мунтазам қатновлар тиклангани ҳақида хабар қилди.

Таъкидланишича, парвозлар 30 мартдан ҳафтасига 2 маротаба: сешанба ва жума кунлари қуйидаги тартибга асосан амалга оширилади.

Сешанба кунлари:

• Тошкент–Тбилиси. Учиш – 16:10, қўниш – 18:30;
• Тбилиси–Тошкент. Учиш – 19:30, қўниш – 23:30.

• Тошкент–Тбилиси. Жума куни. Учиш – 20:40, қўниш – 23:00;
• Тбилиси–Тошкент. Шанба куни. Учиш – 00:30, қўниш – 04:30.

Хабар тайёрланаётган вақтда 1 томонлама учиш чиптаси нархи 3 253 447 сўмни ташкил қилди.

Бундан аввал Грузия Ўзбекистон ва Марказий Осиёнинг яна учта давлатидан учиб келувчи фуқароларни қабул қилишни бошлагани, Қозоғистоннинг SCAT авиакомпанияси Ақтау–Урганч–Ақтау йўналишида илк парвозини амалга оширгани ҳамда Uzbekistan Airways Урганч ва Фарғонадан Истанбулга мунтазам қатновларни йўлга қўйиши ҳақида хабар берилганди.