Жигарли рулетни қўзиқорин, пишлоқ ёки сабзавот билан пишириш мумкин. Бундай рулет тайёрлашнинг бир неча усули бор. Шулардан бирини эътиборингизга ҳавола этамиз.
Керакли маҳсулотлар:
- жигар — 400 грамм;
- қўзиқорин — 400 грамм;
- ун — 3 ош қошиқ;
- тухум — 2 дона;
- сабзи — 1 дона;
- пиёз — 1 та;
- сметана — 1 ош қошиқ;
- майонез — 1 ош қошиқ;
- саримсоқ — 1 бўлак;
- ўсимлик ёғш;
- туз ва зираворлар.
- Қўзиқоринларни сомонча шаклида тўғраб, ўсимлик ёғида қовуриб олинг ва таъбга кўра туз ва зираворлар солинг.
- Алоҳида идишда қирғичдан чиқарилган сабзи ва тўртбурчак қилиб тўғралган пиёзни қовуринг. Сабзавотга қўзиқоринни аралаштиринг.
- Сметана, майонез ва майдаланган саримсоқни аралаштириб, соус тайёрлаб олинг.
- Жигарни гўшт майдалагичдан ўтказиб, тухум, ун, туз ва зираворлар қўшиб, яхшилаб аралаштиринг.
- Ўсимлик ёғи солинган товага жигарли аралашмани солиб, 5—7 миллиметр қалинликдаги қуймоқ шаклида пишириб олинг.
- Пишган жигарли қуймоққа соус қуйиб, 2 ош қошиқ начинка солинг ва рулет қилиб ўранг.
- Қолган жигарни ҳам худди шу тартибда пиширинг.
- Рулетни дастурхонга тортишдан аввал бўлакларга бўлиб олинг ва димланган сабзавотлардан гарнир сифатида фойдаланинг.
Изоҳ (0)