«Ливерпуль» ярим ҳимоячиси Жордан Ҳендерсоннинг «Эвертон»га қарши ўйинда (0:2) олган жароҳати қай даражада жиддий экани маълум бўлди.
Мерсисайдликлар сардори камида 4—6 ҳафта майдонга туша олмайди, дея хабар қилмоқда The Athletic. 30 ёшли футболчини тикланишига қанча вақт кетиши ҳақидаги аниқ маълумотлар яқин кунлар ичида аён бўлади.
Шу тариқа Ҳендерсон жамоасининг камида бешта ўйинини ўтказиб юборади.
Эслатиб ўтамиз, Жордан «Ливерпуль»нинг марказий ҳимоядаги йўқотишлари сабаб ортки чизиқда ўйнаётганди. Шу тариқа Юрген Клопп яна бир муаммо қаршисида қолди.
Мавзуга доир: Факт: 2020/21 йилги мавсумда «Ливерпуль» марказий ҳимоясида 18 хил жуфтлик ҳаракат қилди
Эслатиб ўтамиз, айни вақтда жароҳат сабаб Виржил ван Дейк, Фабиньо, Жо Гомез, Алекс Окслейд-Чемберлен, Диогу Жота каби футболчилар «Ливерпуль»га ёрдам беролмаяпти.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)