Испанияда генерал Франконинг охирги ҳайкали ўз жойидан олиб ташланди (фото+видео)

Испанияда генерал Франсиско Франкога қўйилган ва бузиб ташланмаган энг охирги ҳайкал демонтаж қилинди. Бу ҳақда BBC хабар берди.

Ўрта Ер денгизи яқинидаги Африка соҳилида жойлашган Мелилья анклавида ҳайкални бузиб ташлаш бўйича овоз бериш жараёни ўтказилди. Ишчилар шаҳарга кираверишда қад ростлаган генерал Франко ҳайкалини демонтаж қилишга рози бўлди ва уни жойидан олиб ташлади.

Vox партиясининг аъзолари ҳайкалнинг демонтаж қилинишга қарши чиқиб, 1978 йилда ўрнатилган мазкур ҳайкалтарошлик намунасида Франко Риф урушидаги испан легионининг қўмондони сифатида гавдалантирилганини таъкидлади. Риф уруши 1920 йилда Марокашнинг бербер қабилаларига қарши низо сабаб юзага келганди.

Finally: The last statue of dictator Francisco Franco in Spain is removed... (in Melilla) pic.twitter.com/uwWHRAQm9I

— Andrew Stroehlein (@astroehlein) February 23, 2021

Генерал Франсиско Франко Испанияни 1939 йилдан 1975 йилгача, яъни умрининг охиригача бошқарган.

Аввал Ла-Коруньядаги Испания судининг дастлабки инстанцияси Франсиско Франко оиласининг Пасо-де-Мейрасдаги кўчмас мулкни давлатга қайтариши тўғрисида қарор қабул қилганди.