Албатта, озиқ-овқат маҳсулотларининг соғлиқ учун бир қатор фойдали томонлари бор. Улар барча органларнинг ишлашига ижобий таъсир кўрсатадиган, озишга ва ёшликни сақлаб қолишга ёрдам берадиган витамин ва минераллар манбайи − айниқса тери, тирноқ ва сочлар учун. Шунингдек, улар организмни асраш вазифасини кучайтиради, касалликлардан ҳимоя қилади ва токсинларни йўқ қилишга ёрдам беради. Бундан ташқари, супермаҳсулотлар стрессни назорат қилиш ва жисмоний машқларни енгиллаштиради. Агар соғлом ва силлиқ терига эга бўлишни истовчилар бўлса, рационга қўшиш керак бўлган учта супермаҳсулот ҳақида билиб қўйиши керак.
Киноа
Киноа − соғлом турмуш тарафдорлари орасида жуда машҳур. Ушбу маҳсулот таркибида жуда кўп миқдордаги витамин ва минераллар, оқсил, клетчатка, B гуруҳи витаминлари, фосфор, темир, калий, кальций ва рух мавжуд. Киноа доналарида тери, соч ва тирноқларнинг ҳолатига бевосита таъсир кўрсатадиган аминокислота лизини мавжуд. Бундан ташқари, киноа танадаги модда алмашинуви жараёнларини яхшилашга ва тезлаштиришга, натижада озишга ёрдам беради. Шунинг учун ҳар бир киши ушбу донни ўз рационига киритиши керак.
Чиа уруғлари
Чиа уруғлари таркибида оқсил, клетчатка ва кальций, линоленик кислота, омега-3 бўлиб, улар уруғ таркибида балиқларникидан ҳам кўпроқдир. Чиа тери учун ҳам жуда фойдали бўлиб, қуруқлик билан курашишга ёрдам беради. Бундан ташқари, тери эластиклигини оширади. Шунинг учун ҳам кўпроқ аёллар чиа уруғини севиб истеъмол қилади. Чиа уруғидан салатлар, пудинглар тайёрлаб ичиш мумкин. Натижаси эса узоқ куттирмайди.
Какао доналари
Айнан шоколадлар тайёрланадиган ушбу маҳсулот жуда фойдали бўлиб, улар таркибида калий, магний, рух, фосфор, бета-каротин, B1 ва B2 витаминлари ҳамда 300 дан ортиқ озуқа моддалари мавжуд. Бундан ташқари, какао доналари таркибида бутун тананинг саломатлиги ва ташқи кўринишига фойдали таъсир ўтказадиган кўп миқдорда антиоксидант мавжуд. Какао жуда ҳам фойдалидир, унинг таркибида кокохил деб аталадиган модда мавжуд бўлиб, терини тиклашга ёрдам беради.
Мавзуга доир:
Изоҳ (0)