Дунёдаги энг катта айсберг музли мозаикага айланди (фото)

2020 йилнинг декабрь бошларида Буюк Британия Қироллик ҳаво кучларига тегишли самолёт Жанубий Атлантика океанидан оқиб кетаётган дунёдаги энг катта айсбергни суратга олгани тўғрисида хабар берилганди. А-68а номли айсберг тадқиқотчиларни ҳаяжонга солиб қўйган эди, бироқ ҳозирда у жуда ўзгариб кетган, деб ёзади Hi-Tech.Mail.ru.

Сунъий йўлдош ёрдамида олинган суратларда айсбергни Жанубий Геогрия ороли яқинида — тахминан, Антарктика яриморолидан 1,5 минг километр шимоли-шарқда сузиб юрганини кўриш мумкин.

Ҳар бир муз бўлаги — қачонлардир яхлит бўлган А-68а айсбергининг бир қисми бўлиб, уч йилдан ортиқ вақт давомида у дунёдаги энг катта айсберг номини ўзида сақлаб келган. Бир неча ҳафта олдин эса айсберг майда бўлакларга парчалана бошлаган. Жами бўлаклар сони 11 та, бироқ сунъий йўлдош суратларида уларнинг барчаси тасвирланмаган. Ҳар бир бўлакнинг ўз исми бор, А-68b’дан бошланиб, А-68М’гача.

А-68а айсберги 2017 йилнинг ёзида пайдо бўлган. Ўшанда у майдони 5800 квадрат километрга тенг улкан муздан ажралган эди. Бу Москва ҳудудидан икки баробар катта демак. Сувда сузиб юрган бу каби объект ўз йўлида учраган оролларнинг экотизимини вайрон қилиб юборишга қодир, шунингдек, у кемаларга ҳам хавф туғдиради. Айнан шу сабабли олимлар уни диққат билан кузатган ва ҳозирда ҳам унинг бўлаклари устидаги тадқиқотларни давом эттирмоқда.

Бир неча ой олдин эълон қилинган суратларда айсберг секин-аста парчаланаётгани тасвирланган. У ёриқ ва бўлаклар билан қопланган эди.