Зайниддин Низомхўжаев Марказий сайлов комиссияси раиси, Баҳром Қўчқоров эса унга ўринбосар этиб сайланди

Низомхўжаев Зайниддин Махаматович Ўзбекистон Марказий сайлов комиссияси раиси этиб сайланди. Бу ҳақда ЎзА хабар берди.

Маълумот учун, Низомхўжаев 1954 йилда Тошкент вилоятида туғилган. Маълумоти олий, шифокор. «Ўзбекистон Қаҳрамони» фахрий унвони соҳиби. У бунга қадар Сенат раисининг ўринбосари лавозимида ишлаб келаётган эди.

Шунингдек, Қўчқоров Баҳром Тўлқинович Марказий сайлов комиссияси раисининг ўринбосари этиб сайланди.

Қўчқоров 1972 йилда Наманган шаҳрида туғилган. Маълумоти олий, ҳуқуқшунос, иқтисодчи. 2017 йилда Президент маслаҳатчиси биринчи ўринбосари, 2017–2020 йилларда Давлат экология қўмитаси раиси сифатида ишлаган. 2020 йилдан бери Адлия вазирлигида фаолият юритмоқда. У бунга қадар Адлия вазири ўринбосари лавозимида ишлаб келаётган эди.

Аввалги Марказий сайлов комиссияси раиси Мирзо-Улуғбек Абдусаломов аввал Конституциявий суд судьяси этиб, кейин Конституциявий суд раиси этиб сайлангани ҳақида хабар берилганди.