Норвегия ҳукумати 29 январдан бошлаб мамлакат ҳудудига киришни ёпиб қўйди, асосланган сабаблари бор кишиларгагина истисно тарзида рухсат берилиши мумкин. Бу ҳақда мамлакат бош вазири Эрна Сульберга маълум қилган, деб ёзмоқда «Известия».
«Амалда чегаралар Норвегияда яшамайдиган ҳамма учун ёпилади», — деган ҳукумат раҳбари.
Бош вазирнинг сўзларига кўра, хизматлар ва маҳсулотлар жуда муҳим, уларнинг Норвегияга олиб келиниши давом этади, янги қоидаларга кўра келаси ҳафтадан бошлаб меҳнат муҳожирлари Норвегия ҳудудига кира олмайди. Ушбу чеклов икки ҳафта муддатдан кейин қайта кўриб чиқилади.
Пандемия бошланганидан буён Норвегияда 62 мингдан зиёд одам коронавирус инфекциясини юқтириб олган, 557 нафар бемор касаллик асоратлари оқибатида вафот этган.
24 январда Швеция ҳукумати Ослода коронавируснинг Британия штамми пайдо бўлгани туфайли Норвегияга боришни тақиқлаб қўйганди. Чеклов камида 14 февралга қадар амал қилади.
Норвегияда январь бошида коронавирус сабаб жорий этилган чекловлар янада кучайтирилганди. Кейинчалик мамлакатда коронавирусга қарши Pfizer вакцинаси билан эмланган икки киши вафот этгани хабар қилинди, орадан бир ҳафтадан ошиқ вақт ўтгач Pfizer вакцинаси билан эмланганидан кейин вафот этганлар сони 23 нафарга етди.
Изоҳ (0)