Европанинг бир қатор давлатлари коронавирус инфекциясининг тарқалиш тезлигини пасайтириш мақсадида ўз ҳудудларига кириш қоидаларини кучайтирди, дея хабар бермоқда Meduza.
Хусусан, 31 январдан бошлаб Франция Европа Иттифоқига аъзо эмас мамлакатлардан келувчилар учун мамлакатга киришни тақиқлади, фақатгина фавқулодда ҳолатлар бундан мустасно, деб ёзади Reuters. Европа Иттифоқи мамлакатларидан Францияга келганлар учун COVID-19 натижаси талаб қилинади.
Истисно фақат чегарадош ҳудудларда яшовчилар ва катта юк машинаси ҳайдовчилари учун амал қилади. Бундай чекловлар, француз расмийларининг фикрига кўра, мамлакатда янги локдаун жорий этилишининг олдини олади.
Германия 30 январдан 17 февралгача ўз ҳудудига Буюк Британия, Португалия, Ирландия, Бразилия ва Жанубий Африкадан келганларга киришни тақиқлади. Истиснолар мамлакатга қайтиб келган Германия фуқаролари ва мамлакатда яшаш учун рухсатнома олган шахслар учун амал қилади.Чехия эса 30 январдан бошлаб ўз ҳудудига ишлаш, ўқиш, шунингдек, оилавий масалалар ва даволаниш учун саёҳат қилганлардан ташқари барча чет элликларнинг киришини тақиқлади. Мамлакатга кирадиганларнинг барчаси учун, 5 ёшгача бўлган болалардан ташқари, коронавирус тестининг натижалари талаб қилинади.
Аввалроқ Финляндия коронавируснинг янги штаммлари туфайли сайёҳларнинг мамлакатга ташрифини чеклаб қўйгани ҳамда Дубай чет эллик сайёҳлар учун амирликка кириш қоидаларини кучайтириши ҳақида хабар берилганди.
Изоҳ (0)