Самарқандда ИИБ назоратидаги 185 нафар шахснинг озодликни чеклаш жазоси бекор қилиниб, озодликдан маҳрум қилиш жазосига алмаштирилди. Бу ҳақда «Дарё»га вилоят ИИБ ахборот хизмати хабар берди.
Таъкидланишича, 2020 йил вилоятда пробация назоратида бўлган шахсларнинг 355 нафарининг ўталмай қолган жазо муддати оғирроқ жазо турига, хусусан, 185 нафарининг жазоси озодликдан маҳрум этиш жазосига алмаштирилган.
Аниқланишича, ИИБ пробация назоратидаги 6 379 нафар шахснинг 3 793 нафари бевосита озодликдан маҳрум этиш билан боғлиқ бўлмаган жазо муддатини ўтаётган бўлса, 2 586 нафари рўйхат ҳисобига олинган.
«Ўтган йили белгиланган жазони намунали ўтаган 2 667 нафар назоратдаги шахснинг ўталмай қолган жазоси муддатидан илгари тугатилиб, улар шартли равишда озод этилди. Аммо берилган имкониятдан тўғри фойдаланмасдан, тайинланган жазони ўташдан қасддан бўйин товлаганларнинг жазоси оғирлаштирилди», — дейилади вилоят ИИБ ахборотида.
Изоҳ (0)