Ўзбекистонда 2021 йилнинг 1 февралидан бензин нархи оширилиши ҳақида хабар берилган эди. «Ўзбекнефтгаз» матбуот хизмати энг харидоргир Аи-80 бензини 110 сўмгача қимматлашиши мумкинлигини маълум қилди.
Эслатиб ўтамиз, Ўзбекистонда 2020 йил 1 майдан бошлаб автомобиль бензини чакана нархларини давлат томонидан тартибга солиш бекор қилинган эди. Энди АЁҚШларда бензин нархи рақобат шароитида, яъни бозор конюнктурасидаги талаб (харидорлар қанча сотиб олиши) ва таклифдан (биржа савдоларига қанча бензин қўйилган) ҳамда солиқ ва бошқа мажбурий тўловлардан келиб чиққан ҳолда эркин шаклланади.
2021 йилнинг 1 февралидан нефть маҳсулотлари ва якуний истеъмолчига сотиладиган товарларга солинадиган акциз солиқ ставкалари оширилади. Бу эса бензин нархига таъсир кўрсатади.
Нефть маҳсулотларига солинадиган акциз солиқ ставкалари қуйидагича ўзгаради:
- 1 тонна Аи-80 бензини: амалда — 200 000 сўм, 1 февралдан — 240 000 сўм (ўзгариш 40 000 сўм ёки 20 фоиз);
- 1 тонна Аи-90 ва ундан юқори маркали бензин: амалда — 250 000 сўм, 1 февралдан — 275 000 сўм (ўзгариш 25 000 сўм ёки 10 фоиз);
- 1 тонна дизель ёқилғиси: амалда — 200 000 сўм, 1 февралдан — 240 000 сўм (ўзгариш 40 000 сўм ёки 20 фоиз);
- 1 тонна ЭКО дизель ёқилғиси: амалда — 180 000 сўм, 1 февралдан — 216 000 сўм (ўзгариш 36 000 сўм ёки 20 фоиз).
- 1 тонна бензин: амалда — 378 480 сўм, 1 февралдан — 465 530 сўм (ўзгариш 87 050 сўм ёки 23 фоиз);
- 1 тонна дизель ёқилғиси: амалда — 346 275 сўм, 1 февралдан — 425 918 сўм (ўзгариш 79 643 сўм ёки 23 фоиз).
Изоҳ (0)