АҚШ президенти Жо Байден ва унинг рафиқаси Жилл ўзларининг икки немис овчаркаси — Мейжор ва Чемп билан Оқ уйга кўчиб ўтди. Бу ҳақда мазкур итлар номига очилган Twitter саҳифасида маълум қилинди, деб ёзмоқда «Korrespondent.net».
«Дўстлар, қандай бахтли кун! Биз ҳозир онамиз ва дадамиз билан Оқ уйдамиз... Биз уларни соғингандик, улар ҳам бизни соғинишган», — дейилади итлар номидан ёзилган твитда.
Мейжор ҳайвонлар учун махсус бошпанадан асраб олинган Оқ уйдаги биринчи ит бўлди. Шу тарзда Оқ уйга итлар яна расман қайтиб келди.
Собиқ президент Дональд Трамп мамлакатнинг охирги юз йил ичидаги раҳбарлари орасида уй ҳайвони боқмаган биринчи президенти бўлди. Аввалроқ ОАВ Байден итларини ўзи билан Оқ уйга олиб бориш ниятидалигини хабар қилганди.
Эслатиб ўтамиз, Байден ити Мейжор билан ўйнаётган пайтда оёғидан жароҳат олганди.
Изоҳ (0)